<?xml version="1.0" encoding="UTF-8"?><song><lyrics>[C1]
   Менга шундай ишқ берки, абадий ёнай
   У ишқда ҳиёнат алдов бўлмасин!

[V1]
 Менга шундай ишқ берки, абадий ёнай!
 У ишқда ҳиёнат алдов бўлмасин!
 Токи ҳузурингда гўзал ўтирай!
 Қалбимда бир ғашлик, армон бўлмасин!

[V2]
 Шундай ишқ бер қалбимда Сендан Ўзгаси;
 Хатто бир зумга-да кира олмасин!
 Авайлаб асрагин кўнглим ғунчаси
 Ўзга бир овчида куртак ёзмасин!

[V3]
 Сени севай токи жоним танамда.
 Содиқ бўлай Сенга ҳар ғалабамда.
 Руҳим осмонингда сузганда ҳатто!
 Меҳмон қилмай ўзгасин юрак хонамда.

[V4]
 Ўзинг адаштирма йўлингдан эй Раб!
 Йўл қўйма қайдаги ҳис-хавасларга!
 Шарафла ишлатгин камтар келинни.
 Тўзғимасин ҳаёллар ҳар тарафларга!

[V5]
 Сендан сўрамасман ортиқча бойлик!
 Тилимни энг ширин булоқ қилсанг бас.
 Қозонай меҳрингни пок севгим билан!
 Шоҳлигингда кўзларим чақнаб турса бас!</lyrics>
<title>Менга шундай ишқ бер</title>
</song>